(1908) Charrando en Tudela-Veguín
¡Non colgamos en casa y parió la güela!...
-¡Ah Rita!
-¿Que quiés, né?
-¿Vienes á llavar? No hay aonde. Y eso que tengo toa la ropina puerca y qu'el mi home non punxo la camisa el domingo.
¡Y está mas rabiau!...
Y tien razón el probe, pero ¿qué tengo facei? Ahora ahí, en regueru non llaven más...
-¡Pero muyer del'alma, entós, ¿por qué será? ¿Como lo hemos facer?...
-Non se. Dicen que si vamos á llavar, que mos echen la multa.
-Entós, ¿quién nos la echa?
-Al paecer, el capataz de la vía.
-Entós, ¿el regueru ye del capataz?
-Non lo se fía, al paecer, sí.
-¿Sabes lo que debíamos facer? una solicitú firmá por toes les vecines y llevala al monicipiu pa ver si l'alcalde manda un delegau y que mos diga de quién ye el regueru y si l'agua ye del capataz ó ye del pueblu.
-Non faltaba más sino que siempre llavamos n'esi reguerín y ahora vamos tener que dir á Grandota; ¡Bha, bha!...
-Y tú ¿onde llavasti l'otru día?
-Llavé más enriba del molín de Santiagón, pero paez mal á les otres, porque tienen que coger de allí l'agua pa fregar y ya vez, ném la ropina de los neños tá tan puerca, mi alma!...
-Entre unes coses y otres, tamos ya toes, hasta aquí:
¡Adios, né!
¡Adios, rapaza!